Այցեքարտերը լինում են մի քանի տեսակ.
1. ֆիրմայի աշխատակցի ստանդարտ այցեքարտ
2. ֆիրմայի աշխատակցի ներկայացուցչական այցեքարտ
3. ընտանեկան այցեքարտ
4. այլ տեսակի այցեքարտեր

Ժամանակակից այցեքարտերի նշանակությունը 1.գործընկերներին ներկայանալն է, 2. ֆիրմայի եւ նրա գործունեության մասին տեղեկություններ հաղորդելը, 3. գործընկերների միջեւ գործնական շփումներ իրականացնելը (օրինակ` նվերներ, ծաղիկներ  եւն ուղարկելիս):

Այցեքարտը պետք է լինի բարձրորակ ստվարաթղթից, մոտավորապես 5X8 չափսերի:
Ռուսաստանում ընդունված է այցեքարտի մի երեսին գրել ռուսերեն տեքստը, մյուս երեսին` անգլերեն, կամ  այն երկրի լեզվով, որտեղ գործարարը գտնվում է:

 

 

Ընտանեկան այցեքարտի վրա նշվում է ընտանիքի գլխավորի անուն-ազգանունը` առանց նրա աշխատավայրը կամ պաշտոնը նշելու, նրա կնոջ անուն-ազգանունը, երեխաների անունները, տնային հասցեն եւ հեռախոսահամարը: Ընտանեկան այցեքարտը երբեմն կարող է օգտագործվել նաեւ գործարար կյանքում. օրինակ, երբ իրար հետ ծանոթանում են ընտանիքի գլխավորները:
Գործնական ծանոթության ժամանակ այցեքարտերը փոխանակելը պարտադիր է: Եթե հանդիպման մասնակիցներից որեւէ մեկին այցեքարտ չի տրվել, դա կարող է ընկալվել որպես անհարգալից վերաբերմունք:

Այցեքարտը պետք է դիմացինին տալ այնպիսի դիրքով, որ միանգամից հնարավոր լինի  տեքստը կարդալ: Ընդ որում` այցեքարտի տերը բարձրաձայն արտասանում է իր անուն-ազգանունը: Այցեքարտը վերցնողը պետք է այն կարդա, շնորհակալություն հայտնի եւ դնի թղթապանակի, պայուսակի մեջ կամ  պիջակի դրսի գրպանը:

Առաջինն իր այցեքարտը ներկայացնում է ավելի ցածր պաշտոն ունեցողը, եթե պաշտոնները հավասար են, ապա տարիքով փոքրը: Եթե գործնական հանդիպումն անց է կացվում արտասահմանում, առաջինն իրենց այցեքարտերը ներկայացնում են ընդունող կողմի ներկայացուցիչները:
Չի կարելի ուրիշի այցեքարտն օգտագործել վրան նշումներ անելու համար, դա կարող է իբրեւ անհարգալից վերաբերմունք ընկալվել: